roland

Atersadenn Roland MOGN evit NHU Breizh

de Patrick REGNAULT
Publié le Dernière mise à jour le

Roland MOGN zo louzawour ha yezhoniour.
Aozet en deus PlantKelt (plantkelt.bzh ) gant skoazell Gwennole AR MENN, e karg enklaskoù e yezhoù keltiek er CNRS (1938-2009) ha Claude FIGUREAU, louzawour ha rener kozh Liorzh ar Plant e Naoned.

En abeg da betra ho peus krouet al load-se ?

Merzhet em boa, e kerzh va studioù, ne oa ket ar yezhoniourien louzawourien ampart ha, memes mod, al louzawourien ne oant ket holl mailhed war ar yezhoù. Neuze, tremenet ‘m eus un dezenn diwar-benn « anvioù plant Breizh e yezhoù kornog Europa« . Dre al load eo e vez kendalc’het gant al labour-kentañ-se kroget e 1985 hag a vez bouetaet bemdez abaoe 32 vloaz.

Gant klaskerien eus ar bed-holl ha gant tud tomm ouzh ar plant e vez graet enklaskoù ennañ. Tu zo da zibab ar yezh-studi brezhoneg – galleg – saozneg. Teiryezhek eo ivez an displegadurioù war an anvioù brezhonek. Ha tregont yezh ha trefoedaj zo kinniget er stlennvon. Kavet e vo ennañ, hiziv, muioc’h a 368 000 dave.

roland

Gwez sivi – Arbutus unedo

Dre anvioù boutin ar plant e vez diskoachet tu al louzaouiñ pe tu speredel stag outo.
Ha traoù dedennus zo aze ?

Evit tu al louzaouiñ, adkavet e vo anvioù drougoù ha kleñvejoù « Louzaouenn an droug-skouarn » da skwer, evel e kalz yezhoù all. Met evit an tu speredel, ni zo mailhed war al « Louzaouenn Sant-Me-oar-me ». Ouzhpenn-se, 9 % eus an anvioù plant brezhonek vo adkavet er yezhoù predenek all, hag, a-wezhoù, en holl yezhoù keltiek arnevez pe kozh evel ar galianeg.

Gant pe anv plant oc’h bet chomet berr hag en amzivin ?

Gwennole en doa kavet al lavarenn-mañ en ur c’hannadig-parrez e Bro-Dreger :

Geotenn ar filibardenn
seizh brank hag un deodenn
an hini he zroc’h diwar flu
zo ur sapre falc’her

Chomet eo al lavarenn-se da dreiñ hag emdreiñ em fenn e-pad tri bloaz a-raok ma tarzho an diskoulm… e-kreiz an noz. Ha m’ho peus c’hoant da c’houzout pe blantenn eo geotenn ar filibardenn, kit da welet war PlantKelt… pe war Termofis o deus preizhet PlantKelt hep goulenn an aotre hag hep menegiñ o mammennoù.

plantkelt roland

Roland MOGN Plantkelt

A-benn ar fin, peseurt c’hoantoù ho pefe a-ziwar al load-se ?

Prederiet e vez bremañ a-benn ma emdroje al load davet ur stumm opensource. N’eo ket bet diskoulmet c’hoazh kudenn ar gwarantizoù, ken e lodenn al louzawourieh hag e lodenn ar yezhoniezh. Mod all, mat e vije din e emskrive kalz bretoned e PlantKelt. Padout a ra 20 eilenn, ne goust netra, met reiñ a ra pouez d’ul load brezhon anavezet er bed-holl.

Pep gwir miret strizh © NHU Breizh – 2017
Difennet eo eiladuriñ an testennoù hag ar skeudennoù ha pa ne vefe nemet ul lodenn. Gellout a rit rannañ ul liamm pe skrivañ deomp da redaction@nhu.bzh. Ma plij al lec’hienn-mañ deoc’h, skrivit ur gerig e traoñ ar bajenn ha rannit ar bajenn-mañ war ar rouedadoù sokial o klikañ war an arlunoù e liv.

Soutenez votre média breton !

Nous sommes indépendants, également grâce à vos dons.

A lire également

Une question ? Un commentaire ?

Recevez tous nos articles en avant-première !

Toute l’actu indépendante et citoyenne de la Bretagne directement dans votre boîte e-mail.

… et suivez-nous sur les réseaux sociaux :

Notre mission

NHU veut faire savoir à toutes et tous – en Bretagne, en Europe, et dans le reste du monde – que la Bretagne est forte, belle, puissante, active, inventive, positive, sportive, musicienne…  différente mais tellement ouverte sur le monde et aux autres.

Participez

Comment ? en devenant rédacteur ou rédactrice pour le site.
 
NHU Bretagne est une plateforme participative. Elle est donc la vôtre.